Ceghitoo Satu Malam.....

Pado satu malam.....Romli sodang melayan blues sambil menunggang motosikal kepunyaan bapak beliau sodang meronda ronda sambil menyanyikan lagu Diambang Wati - Wings. Waktu pado maso itu topat pado pukul 11 malam. Ketiko sodang best meronda, beliau ternampak seorang makcik tongah terbongkok bongkok mencari sesuatu di tepi jalan rayo tersobut. Romli buleh nampak dongan jolas makcik itu sobab kek tepi jalan tu jugak berhampiran dongan makcik tu ado lampu jalan.

Dongan perasaan kosian nak menolong makcik tu..Romli pon poie laa singgah kek makcik tu. "Makcik buat ape tu haa??makcik cari ape malam malam camni??boleh saya tolong??"..Tanyo Romli dongan ponuh tatasusila dan tatabahaso....Kironyoo ponuh dongan adat kesopanan dan ketimuran laa...ala ala gadis sunti yang bolum di pinang sapo sapo laie.."Makcik cari rantai emas makcik laaa...Makcik tercicir tadi...Kalo anak nak tolong..Alhamdulillahh...."..Kato makcik tu laie..Romli pon tanpo membuang maso turut samo membongkok mencari rantai emas makcik tersobut.

Ramli masih laie mencari dan sehinggolah beliau terfikir nak tanyo kek mano rantai emas tu tercicir....lalu bertanyolah dio kek makcik tersobut...."Eerrr...makcik!! Makcik rasa rasa kat mana Rantai makcik tercicir tadi??".....Makcik tadi tak menjawab apo apo tapi beliau menunjuk kearah satu tompek. Romli melihat ke arah yang makcik tu tunjuk dan mendapati tompek kawasan yang di tunjuk tu sungguh golap sobab takdo lampu jalan kek situ. Ketiko itu jugak laa Romli raso meromang bulu roma dan tongkuk tak termasuk kotiak laie tu. Tapi oleh kerano tak nak di katokan penakut...Ramli beranikan diri untuk bertanyo laie...."Err...Makcik...!!??"....."Yee?? Ada apa nak???"...Tanyo makcik tu laie...."Err...kalo tercicir kat sana...Kenapa tak cari jer kat sana??"...Tanyo si Romli dongan sedikit ketakutan....

Makcik tu tetibo berdiri togak..Dongan wajah yang cukup serius..Romli dapek tengok muko makcik tu dongan jolas skali..Lantas pado maso itu jugak laa makcik tu memarahi Romli dongan berkato "...Kan kat sana tu gelap Bodohhh!!!!...Kat sini kan cerah....Makcik cari kat sini laaa...Apa laa kau nih...Itu pon tak reti ker??"...Mendonga marah makcik tu...Romli pon buek tak tahu yo laa....Yo laa dah kono marah kono pulak cap bodo...Kang Romli marah balik kato tak hormat orang tuo..Jadi Romli biarkan ajo laa...Namun jauh di hati Romli berkato..."Cilake punye makcik!!"......